اسلام آباد۔15اپریل (اے پی پی) وفاقی وزیرخزانہ تے محصولات سینیٹرمحمداسحاق ڈار آکھیا جو گزریل سال آوݨ آلے بدترین چھل توں متاثرہ لوکاں دی بحالی کیتے کم دا سلسلہ جاری اے، حکومت دی معیشت دے استحکام کیتے سارے اقدامات کریندی پی اے۔ اے ڳالھ انہاں چھݨ چھݨ کوں آئی ایم ایف اتے عالمی بینک دے سالانہ اجلاس دے موقع تے ایشین انفراسٹرکچر اینڈ انویسٹمنٹ بینک دے صدر جن لی کون نال ورچوئل میٹنگ اچ آکھی۔ وزیر مملکت برائے خزانہ تے محصولات ڈاکٹر عائشہ غوث پاشا، وزیراعظم دے معاون خصوصی طارق باجوہ، معاون خصوصی طارق محمود پاشا اتے اسپیشل سیکریٹری خزانہ اسلام آباد توں میٹنگ اچ ورچوئل شرکت کیتی جڈانجو امریکہ اچ پاکستان دے سفیر مسعود احمد خان، گورنر اسٹیٹ بینک جمیل احمد، سیکریٹری خزانہ اتے سیکریٹری اقتصادی امورڈویژن واشنگٹن اچ ذاتی طور اجلاس اچ شریک تھیے۔ وزیر خزانہ ایشین انفراسٹرکچر اینڈ انویسٹمنٹ بینک دے صدر کوں ملک دے اڄوکے معاشی منظر نامے اتے پائیدار اقتصادی ترقی بارے حکومت دی معاشی پالیسیاں اتے اصلاحات بارے ݙسیا۔ وزیر خزانہ پاکستان اچ چھل توں متاثرہ علاقیاں اچ بحالی اتے تعمیر نو دی کوششاں اچ فراخدلانہ تعاون تے صدر دا شکریہ ادا کیتا۔
.jpg)
