کھنڈ انکوائری کمیشن دی رپورٹ وفاقی کابینہ اجلاس اچ پیش،وزیراعظم عمران خان دی ہدایت تے رپورٹ عام کر ڈتی گئی
رپورٹ اچ وڈے اہم انکشافات ہین،وزیر اطلاعات سید شبلی فراز، معاون خصوصی احتساب شہزاد اکبر اتے شہباز گل دی مشترکہ پریس کانفرنس
اسلام آباد ۔ 21 مئی (اے پی پی) وزیراعظم عمران خان دی ہدایت تے رپورٹ عام کر ڈتی گئی اے۔معاون خصوصی برائے احتساب شہزاد اکبر آکھیے جو رپورٹ اچ حیران کن انکشافات سامنڑے آئن۔اسلام آباد اچ پریس کانفرنس کریندے ہوئے وزیر اطلاعات سید شبلی فراز، معاون خصوصی احتساب شہزاد اکبر اتے شہباز گل آکھیے جو فرانزک رپورٹ دی تفصیلات اچ پتا لگ ویسی جو ملک اچ کیا تھیندا رہے،بھل حالی اے شروعات اے کیوں جو ساڈا منشور تبدیلی گھن آونڑ اتے مافیا کوں بے نقاب کرنڑ اے،اینجھے کمیشن پہلے وی بنڑدے رہین بھل حکومت پہلی واری اینجھے ایشوز کوں سامنڑے گھدی آندی اے ج??ڑھ?? ایں توں پہلے ہمیشہ لکائے ویندے رہین یا انہاں تے پردا پاتا گئے۔شہزاد اکبر آکھیے جو اج ملکی تاریخ دا اہم ڈینھ اے،پہلے کہیں حکومت اچ اے ہمت کائنا ہئی جو اینجھا تحقیقاتی کمیشن بنڑاوے اتے ول اوکوں عام وی کرے۔انہاں آکھیے جو ایف آئی اے دائریکٹر جنرل واجد ضیا وفاقی کابینہ دے جلاس اچ وزیراعظم کوں کھنڈ انکوائری سکینڈل دی رپورٹ پیش کیتی اے،اے رپورٹ پی آئی ڈی دی ویب سائیٹ تے وی لا ڈتی ویسی جو کیویں کاروباری طبقے نظام مفلوج کر تے بھار عوام تے سٹیے،اے ڈسایا گئے جو کیویں کنے دے کساناں کوں نقصان پ??ایا گئے،کساناں کوں کچی پرچی تے پیسے ڈتے گین،ساریاں ملاں پندرھاں توں تریھ فیصد وزن گھٹ تولیندن۔انہاں آکھیے جو وزیراعظم عمران خان ہمیشہ آکھیے جو کروبار کرنڑ آلا سیاست اچ وی کاروبار کریسی،شوگر ملاں کاشتکاراں کوں امدادی قیمت توں وی گھٹ ملھ ڈیندن۔انہاںا ٓخھیے جو اے رپورٹ بے نامی ایکٹ دی خلاف ورزی اتے ٹیکس چوری دی نش??ندہی کریندی اے،ج??ڑھ?? سیلز چیک کیتاں گین او ساریاں بے نامی ہین۔
