اسلام آباد۔20جولائی(اے پی پی) وزیراعظم محمد شہباز شریف ہدایت کیتی اے جو اسلام آباد اچ جنوبی کوریا دے تعاون نال 25 ارب روپے دی لاڳت نال 12 منزلہ جدید آئی ٹی پارک اڄوکے سال مکمل کیتا ونڄے، آئی ٹی پارک بݨݨ نال 10 ہزار ملازمتاں دے موقع بݨسن ،آئی ٹی برآمدات اچ 70 ملین ڈالر دا ودھارا تھیسی ا??ں منصوبے توں اکیڈیمیا، محققین، صنعت اتے منصوبہ سازاں وچال جڑت تھیسی ،نینگراں کوں فنی تعلیم ݙیسوں ،پاکستان دی ترقی سانڳے ساریں کوں رل تے محنت کرݨی ہوسی ۔ اسلام آباد اچ ٹیکنالوجی پارک منصوبے دا دورہ تے تعمیراتی کم دے جائزے تے ڳالھ مہاڑ کریندے وزیراعظم شہبازشریف آکھیے پاکستان دے جدید آئی ٹی پارک دی تعمیر سانڳے جنوبی کوریا دے تعاون دے مشکور ہیسے، اے سہولتاں دے اعتبار نال شاندار منصوبہ ہوسی۔ا??ں منصوبے تے 25 ارب روپے لاڳت آسی ۔70 ملین ڈالر دے سوکھیاں شرطاں تے قرضہ جنوبی افریقہ ݙتے ۔انہاں آکھیے جنوبی کوریا دی کمپنی کوں ا??ں منصوبے دا 2022 اچ کنٹریکٹ ایوارڈ کیتا ڳیا جیں ??ے زور وشور نال کم جاری اے ۔ ول حکومت اچ آوݨ تے ہݨ تکھے کم تھیندا پئے ۔ اے جون 2025 اچ پورا تھیسی ۔ انہاں آکھیے وزیر مملکت شیزا فاطمہ تے سیکرٹری آئی ٹی تے متعلقہ کمپنی کوں آکھیے جو اڄوکے سال ا??ں منصوبے کوں پورا کرن ۔ اے پارک پاکستان تے ٻاہرلے ملک سانڳے رول ماڈل ہوسی انہاں آکھیے پنجاب اچ منصوبیں دی تکمیل سانڳے جیڑھی پالیسی ہئی ہݨ وفاق اچ وی ایہا پالیسی ہوسی ۔تعمیر دا کم شاندار اے،معیار تے جنوبی کوریا سمجھوتہ نی کریندا ، متعلقہ ایم این اے وی ایندی تعمیر اچ دلچسپی گھنن ۔ایندے اچ آندیاں رکاوٹاں ݙیکھن تاں جو انہاں کوں مکایا ونڄ سڳے۔ اتھاں آئی ٹی کمپنیاں دے 120 توں ودھ دفتر ہوسن ۔لیول تھری دا پہلا ڈیٹا سنٹر وی اتھاں بݨسی جیڑھا بذات خود اعلی سطح دا سنٹر ہوسی۔ انکیوبیشن، بزنس سپورٹ سینٹر ہوسن ۔12 منزلہ عمارت اچ ھک چ??ت تلے ساریاں سہولتاں ہوسن انہاں آکھیے کیڈیمیا نال ایں پارک دا نیڑے تعلق ہوسی۔پروفیسر تے سٹوڈنٹس اتھاں دورہ کریسن انہاں دے رہݨ سانڳے انہاں گیسٹ ہاؤس داوی انتظام کیتا ویسی انہاں آکھیے اتھاں کمرشل،سپورٹس دیاں سہولتاں ہوسن ۔تحقیق وترقی سانڳے آئی ٹی لیبارٹریاں بݨسن ۔آڈیٹوریم اتے ورچوئل کلاس رومز دا انتظام کیتا ڳئے ایں توں پاکستان دی جامعات فیدہ چا سڳسن ۔ایں سنٹر اچ 10 ہزار ملازمتاں ہوسن۔ ایں سنٹر پاروں 250 ای روزگار مرکز پورے ملک اچ بݨسن اے ھک جدید آئی ٹی پارک ہوسی جیڑھا انقلابی حیثیت رکھیسی ۔وزیراعظم آکھیے ایں جدید پارک بݨݨ دی قوم کوں مبارخ ݙیندوں ایں توں پورا پاکستان فیدہ چیسی اساں صوبیں دے تعاون نال ایجھے مزید آئی ٹی پارک بݨیسوں ۔ انہاں آکھیے آئی ٹی دا ساریں توں وݙا بجٹ 80 ارب روپے رکھیے ۔ای اکانومی اتے ای ??ور??نس تے ڳالھ تھئی ݙو ہفتے بعد ول ملاقات اچ اینکوں تکڑی شکل ݙیسوں انہاں آکھیے نینگراں کوں جدید ہنر سکھیسوں اے ھک چیلنج اے جیں کوں رل تے توڑ پجیسوں ۔ بجٹ اچ فنڈز رکھݨ تے وزارت خزانہ دا شکریہ اداکریندوں ایں بجٹ دی منظوری تے اتحادیوں دا شکریہ ادا کریندوں ۔ آپݨے آفس، وزیر اطلاعات و نشریات، ایم این ایز اتے جنوبی کوریا دی کمپنی دے مشکور ہیسے جیڑھے ساݙے نینگراں کوں سہولت ݙیندے پئن ایں توں نینگراں کوں جدید ٹیکنالوجی سکھائی ویسی ۔وزیر اعظم آکھیے جݙاں اے منصوبہ شروع تھئے تا?? اوں ویلھے امین الحق وزیر آئی ٹی ہن جنہاں ا??ں منصوبے اچ وݙی کوشش کیتی ۔ سی ڈی اے تے وزارت داخلہ دے تعاون تے وی مشکور ہیسے، محنت تے لڳن نال فیصلے کروں تاں کوئی اوکھ ، اوکھ نی رہندی ۔پاکستان کوں ترقی دیاں منزلاں پار کرݨیاں ہن ایں سانڳے اساکوں رل تے محنت کرݨی ہوسی۔
.jpg)
