اسلام آباد۔2مئی (اے پی پی) دفتر خارجہ آکھیاجو پاکستانی شہریاں دے ویزے منسوخ کرݨ دا بھارتی فیصلہ سنگین انسانی چیلنجز پیدا کریندا پئے۔ بھارت توں واپسی آوݨ آلے پاکستانی شہریاں کیتے واہگہ بارڈر کراسنگ دی دستیابی بارے میڈیا سوالاں دا جواب ݙیندیں ہوئیں ترجمان دفتر خارجہ آکھیا جو پاکستانی شہریاں دے ویزے منسوخ کرݨ دا بھارتی فیصلہ سنگین انسانی چیلنجز پیدا کریندا پئے، ٻہوں مریض جنہاں دی حالت خراب ہئی، کوں آپݨا علاج مکمل کیتے بغیر پاکستان آوݨاپئے۔ ترجمان آکھیا جو ایندے نال ٹٻراں دی ونڈ تھیوݨ اتے ٻالاں دے آپݨے ماء پئیو اچوں کہیں ہک دے وچھڑݨ دی اطلاع اے۔ واہگہ اٹاری بارڈر کراس کرݨ دی چھیکڑی تاریخ 30 اپریل ہئی۔ اساں کوں پتہ لڳے جو کڄھ پاکستانی شہری اٹاری اچ پھتے ہوئین، اگر بھارتی حکام انہاں کوں سرحد پار کرݨ دی موکل ݙیندن تاں اساں آپݨے شہریاں دا خیرمقدم کرݨ کیتے تیار ہیسے۔ ترجمان آکھیا جو واہگہ بارڈر مستقبل اچ وی پاکستانی شہریاں کیتے کھلیا رہسی۔
.jpg)
