اسلام آباد۔25اپریل (اے پی پی) وزیراعظم محمد شہباز شریف آکھیا جو حکومت ملک توں ملیریا دے خاتمے کیتے ضروری اقدامات کریندی پئی اے۔ جمعے کوں وزیراعظم آفس دے میڈیا ونگ توں جاری بیان موجب ملیریا دے جڳ ݙیھاڑ تے وزیراعظم آپݨے سنیھے اچ آکھیا جو ملیریا دا جڳ ݙیھاڑ بین الاقوامی سطح تے عملی اقدامات، ملیریا دے خاتمے اتے قابل علاج بیماری دے خلاف جنگ اچ چھیکڑی حد تئیں ونجݨ دے عزم دی تجدید دا ݙینھ اے۔ ایں سال دا تھیم – “ملیریا کوں ختم کرݨ: سرمایہ کاری ، ٻئی کوششاں اتے نویں تحریک نال ” دا مقصد ملیریا دے خاتمے آلے پاسے پیش رفت کوں تیز کرݨ کیتے عالمی پالیسی توں ڳھن تے کمیونٹی ایکشن تئیں ساری سطح تے کوششاں کوں نویں سروں متحرک کرݨ اے۔ وزیر اعظم ملیریا دے جڳ ݙیھاڑ دے موقع تے سارے سٹیک ہولڈرز، حکومت، سول سوسائٹی، ہیلتھ ورکرز اتے بین الاقوامی برادری توں اپیل کیتی جو او متحد تھی تے ایں اہم مشن کیتے کم کرن۔
