اقوام متحدہ۔9اکتوبر (اے پی پی) وزیراعظم پاکستان شہباز شریف دی اقوامِ متحدہ دی جنرل اسمبلی توں خطاب دی وڈیو اقوامِ متحدہ دے یوٹیوب چینل تے پوری دنیا دے رہنماواں اچ ساریاں توں ودھ ݙٹھی ونڄݨ آلی وڈیو بݨ ڳئی اے، جئیں کوں 26 ستمبر کوں یوٹیوب تے اپ لوڈ کیتے ونڄݨ دے بعد توں ہݨ تئیں 13 لکھ (1.3 ملین) توں ودھ واری ݙٹھا ڳئے۔ ݙوجھے نمبر تے امریکی صدر ڈونلڈ ٹرمپ دا 23 ستمبر کوں جنرل اسمبلی توں خطاب ہے، جئیں کوں 4 لکھ 58 ہزار واری ݙٹھا ڳئے۔ تریجھے نمبر تے تھائی لینڈ دے وزیر خارجہ سہاسک فوانگ کیت کیو دا خطاب اے، جئیں کوں 27 ستمبر دے بعد توں 2 لکھ 77 ہزار واری ݙٹھا ڳئے۔ وزیراعظم شہباز شریف آپݨے جامع خطاب اچ بھارت دے غیر قانونی زیر تسلط جموں تے کشمیر دے م??ئلے، غزہ دی صورتحال، ماحولیاتی تبدیلی اتے عالمی معاشی بحران تے ڳالھ کیتی۔ انہاں معاملیاں کوں ایہو سویں پیچیدہ اتے چیلنجنگ عالمی منظرنام?? دا حصہ قرار ݙتا جو ودھدے ہوئے جھڳڑیاں، بین الاقوامی قوانین دی خلاف ورزی اتے م??حولیاتی عدم استحکام نال ݙوچار اے۔ پاکستانی وزیراعظم غزہ اچ اسرائیلی جارحیت دی شدید مذمت کیتی اتے فوری اتے م??تقل جنگ بندی دا مطالبہ کیتا۔ انہاں اسرائیل?? کارروائیاں کوں ’’معصوم لوکاں دا منظم قتلِ عام‘‘ اتے ’’دنیا دے ضمیر تے دھبہ‘‘ قرار ݙتا۔ انہاں 1967 توں پہلے دی سرحداں تے م??نی ݙو ریاستی حل دی حمایت کیتی، جئیں اچ مشرقی بیت المقدس کوں آزاد فلسطینی ریاست دا دارالحکومت قرار ݙتا ونڄے۔ وزیراعظم شہباز شریف مسئلہ کشمیر تے پاکستان دے موقف دا اعادہ کیتا اتے اقوامِ متحدہ دی سلامتی کونسل دی قرارداداں دے م??ابق کشمیری عوام کوں حقِ خودارادیت ݙیوݨ دی لوڑھ تے زور ݙتا۔ انہاں بھارت تے غیر قانونی اتے ہک پاسہ اقدامات کرݨ دا الزام لاتا جو خطے اچ کشیدگی کوں ودھیندے پئن۔
.jpg)
